Friday, September 11, 2009

കുപ്പിബന്ധം

ബന്ധം

വാക്കിന്റെ അര്‍ഥം മനസിലായില്ല

തേടിക്കൊണ്ടിരുന്നു

ഒറ്റത്തൊഴിക്ക്‌

അച്ഛന്‍ അമ്മയെ കൊന്നപ്പോള്‍

‍മാലയുടെ വണ്ണം കുറഞ്ഞതിന്‌

അളിയന്‍ പെങ്ങളെ വീട്ടില്‍ കൊണ്ടു വിട്ടപ്പോള്‍

അര്‍ത്ഥം എന്നെത്തേടിവന്നു

ഒഴിഞ്ഞ മിനറല്‍ വാട്ടറിന്‍ കുപ്പി പോല്‍

വഴിയില്‍ വച്ചു മറക്കുന്ന ബന്ധങ്ങള്‍



ഇന്നലെ

പാണ്ടിലോറി കയറി റോഡില്‍

അരഞ്ഞു ചേര്‍ന്നത്‌ അച്ഛന്‍ കുപ്പിയായിരുന്നു

വെയിസ്റ്റ്‌ കോരാന്‍ വന്ന ജെസിബി

കോരിയെടുത്തത്‌ അമ്മക്കുപ്പിയായിരുന്നു



ഇന്ന്‌

വാശിപിടിച്ചു കരഞ്ഞ എന്റെ മകന്‌

മിനറല്‍ വാട്ടറിന്റെ കുപ്പി ഞാന്‍ വാങ്ങി നല്‍കി

2 comments:

കണ്ണനുണ്ണി said...

നാളെ സെന്റി അകറ്റാന്‍ അച്ഛന് മകന്‍ ഓ സി ആര്‍ കുപ്പി വാങ്ങി നല്‍കും :)

പാവപ്പെട്ടവന്‍ said...

അര്‍ത്ഥം എന്നെത്തേടിവന്നു
ഒഴിഞ്ഞ മിനറല്‍ വാട്ടറിന്‍ കുപ്പി പോല്‍
വഴിയില്‍ വച്ചു മറക്കുന്ന ബന്ധങ്ങള്‍

ശക്തവും തീവ്രവുമായ വരികള്‍ ആശംസകള്‍

FACEBOOK COMMENT BOX