പ്ലം മരങ്ങള്‍ പൂത്തിറങ്ങുന്നു
ഊഷ്മളമായ അന്തരീക്ഷത്തില്‍
കിളിക്കൊഞ്ചല്‍ അലയടിക്കുന്നു
ഉഴുതുമറിച്ച മണ്ണില്‍
ആരോ വരച്ച സൂര്യന്റെ ചിത്രം
പ്രഭ ചിതറുന്നു
ചെളിമണ്ണിന്‍ പശ്ചാത്തലത്തില്‍ സൂര്യന്‍ കറുത്തിരുന്നു
ചിത്രത്തിലാരും കൈയൊപ്പു ചാര്‍ത്തിയിട്ടില്ല
ഹാ കഷ്ടം, അതിവേഗമെല്ലാം മാഞ്ഞുപോകുന്നല്ലോ
കിളിക്കൊഞ്ചലുകള്‍, മൃദുലപുഷ്പങ്ങള്‍,
ഒടുവിലീ മണ്ണും കലാകാരന്റെ പേരിനെ
മറവിയിലേക്ക് പിന്തുടരും
എന്നിരുന്നാലും കലാകാരന്‍ വരച്ചിട്ടത്
ആഘോഷത്തിന്റെ മനോഭാവം
എത്ര സുന്ദ്രമാണു പുഷ്പങ്ങള്‍-
പുനരുജ്ജീവിക്കുന്ന ജീവന്റെ അടയാളങ്ങള്‍
എത്ര ആകാംഷയോടെയാണു കിളികള്‍ പറന്നെത്തുന്നത്
................................................................................
അമേരിക്കന്‍ കവിയാണ് ലൂയിസ് എലിസബത്ത് ഗ്ലക്ക്. സാഹിത്യത്തിനുള്ള നോബല്‍ സമ്മാനം, പുലിറ്റ്സര്‍ സമ്മാനം, നാഷണല്‍ ഹ്യൂമാനിറ്റീസ് മെഡല്‍, ദേശീയ പുസ്തക അവാര്‍ഡ്, നാഷണല്‍ ബുക്ക് ക്രിട്ടിക്സ് സര്‍ക്കിള്‍ അവാര്‍ഡ്, ബൊളിംഗെന്‍ പ്രൈസ് എന്നിവ ഉള്‍പ്പെടെ നിരവധി സാഹിത്യ അവാര്‍ഡുകള്‍ നേടിയിട്ടുണ്ട്. 2023 ല്‍ അന്തരിച്ചു.
