Friday, February 6, 2009

വായനയുടെ ദോഷങ്ങള്‍ (പത്രപ്രവര്‍ത്തകരുടേയും)

തലക്കെട്ട്‌ ഒരു പക്ഷേ, നിങ്ങളെ അത്ഭുതപ്പെടുത്തിയേക്കാം. പക്ഷേ, ചില സന്ദര്‍ഭങ്ങളില്‍ മനസിനെ ഉലച്ച ചിന്തയണിത്‌. ഒരു നല്ല വായനക്കാരന്‌ (ഞാന്‍ അങ്ങനെയാണെന്ന്‌ അവകാശപ്പെടുന്നില്ല), ഒരു തത്വശാസ്‌ത്രത്തില്‍ മാത്രമായി ഒതുങ്ങി നില്‍ക്കാനാവില്ല. വൈരുദ്ധ്യങ്ങള്‍ പേറാന്‍ വിധിക്കപ്പെടുന്നവരാണ്‌.

ഹൈന്ദവ പുരാണങ്ങളെ കുറിച്ച്‌ സംസാരിക്കുമ്പോള്‍ ഞാനൊരു തീവ്രഹിന്ദുത്വ വാദിയാണെന്ന്‌ നിങ്ങള്‍ക്ക്‌ തോന്നാം. ബൈബിളിനെ കുറിച്ച്‌ സംസാരിച്ചാലോ എഴുതിയാലോ ഞാനൊരു കടുത്ത ക്രൈസ്‌തവ വിശ്വാസിയാണെന്ന്‌ നിങ്ങള്‍ തെറ്റിധരിച്ചേക്കാം. പ്രവാചകനെ കുറിച്ച്‌ പറയുമ്പോള്‍ മുഹമദ്‌ നബിയോടാണ്‌ എനിക്കാഭിമുഖ്യം എന്നു നിങ്ങള്‍ പറയും. സാമ്പത്തിക ശാസ്‌ത്രത്തെ കുറിച്ച്‌ പറയുമ്പോള്‍ സോഷ്യലിസം കടന്നു വരുന്നു, അപ്പോള്‍ ഞാനൊരു സോഷ്യലിസ്‌റ്റാണെന്നു നിങ്ങള്‍ ചിന്തിക്കുന്നു.

ഇതിലൊന്നും എനിക്കു പരാതിയില്ല, പലപ്പോഴും ഒരു പ്രത്യേക വിഷയത്തില്‍ ഞാന്‍ മുന്നോട്ടു വയ്‌ക്കുന്ന ആശയത്തില്‍, മുന്‍വിധികളോടെ അഭിപ്രായം പറയുകയും എന്നെ ഏതെങ്കിലും ഒരു പക്ഷത്തിന്റെ(കേരളത്തില്‍ ഇപ്പോള്‍ നിരവധി പക്ഷങ്ങളുണ്ടല്ലോ?) വക്താവാണെന്ന്‌ വരുത്തി തീര്‍ക്കാനുളള ശ്രമങ്ങള്‍ മൂന്നും അഞ്ചും വര്‍ഷത്തെ പത്രപ്രവര്‍ത്തന പരിചയമുളളവര്‍ പോലും ശ്രമിച്ചു കാണുമ്പോള്‍ വ്യക്തിപരമായി വിഷമം തോന്നിയിട്ടുണ്ട്‌. എന്നെ പലരും പലപ്പോഴായി നിരീശ്വരവാദിയായും നക്‌സലൈറ്റായും കമ്യൂണിസ്‌റ്റായും കമ്യൂണിസ്‌റ്റ്‌ വിരോധിയായും ദളിത്‌ പക്ഷപാതിയായും ഇസ്‌‌ലാം അനുകൂലിയായും ഒക്കെ ബ്രാന്‍ഡ്‌ ചെയ്യാന്‍ മനപൂര്‍വം ശ്രമിച്ചിട്ടുണ്ട്‌.

പക്ഷേ, അവര്‍ എന്നെ എങ്ങനെയൊക്കെ വിലയിരുത്തിയാലും നമ്മുടെ വ്യക്തിത്വത്തിന്‌ വായന നല്‍കുന്ന മാറ്റ്‌, തിളക്കം അത്‌ വളരെ വലുതാണ്‌. ചെറിയ മനസുകളുടെ ചെറിയ ചിന്തകളില്‍ നമ്മള്‍ പഴഞ്ചനും ചിതലരിച്ച ആശയങ്ങളുടെ വക്താക്കളും ആയിരിക്കാം. അവര്‍ക്ക്‌ മറുപടിനല്‍കാന്‍ എനിക്ക്‌ അറിവില്ല. അതുകൊണ്ട്‌ ഞാനതിന്‌ മുതിരുന്നില്ല.......

6 comments:

ചിത്രകാരന്‍chithrakaran said...

ഇതു പൂര്‍ണ്ണമായും പത്രപ്രവര്‍ത്തകന്റെ
പ്രശ്നങ്ങളാണല്ലോ !!
ആശംസകള്‍.

ചിത്രകാരന്‍chithrakaran said...

ബ്ലോഗിലെഴുതുംബോള്‍ ഈ പ്രശ്നം
മറികടക്കാനാകും.
ജോലിയെ ബാധിക്കുമെന്നു തോന്നുന്നുണ്ടെങ്കില്‍
ഒരു തൂലിക നാമം സ്വീകരിക്കാം...ന്താ, അങ്ങനല്ലേ?!!

...പകല്‍കിനാവന്‍...daYdreamEr... said...

Very Good.
അഭിനന്ദനങ്ങള്‍...

ലെഫ്‌റ്റ്‌ ഡ്രൈവ്‌ said...

സ്വന്തമായി ചിന്തിക്കുന്നവന്റെ വേദനകള്‍ തന്നെ ഇത്‌...

sameera;););) said...

i can't read the malayalam.couldn't download the font also...

Joyson said...

when did u speak supporting anything other than communist parties and V S? But if u have been accused of siding with Nabi and Christians, u are beginning to change I'd say. Good luck. After a while, u'll become completely non pakshavaadhy... good luck. ';-)

FACEBOOK COMMENT BOX