ഞാനിപ്പോള്‍ നില്‍ക്കുന്ന മണ്ണ്അപരിചിതം
എത്ര ശ്രമിച്ചിട്ടും
ഒന്നും ഓര്‍ത്തെടുക്കാനായില്ല
കാല്‍പാടുകളില്‍
രക്തം പറ്റിയിരിക്കുന്നു
ഉരച്ചു കഴുകും തോറും
അത് കൂടുതല്‍ തെളിയുന്നു
നോട്ടം വഴിതെറ്റി
ഒളിഞ്ഞു നോട്ടമായി
ഇന്നു കണ്ട കുട്ടികള്‍
ഇന്നലെ കണ്ട കുട്ടികളല്ല
അവര്‍
ആണെന്നും പെണ്ണെന്നും പരിഭാഷപ്പെട്ടിരിക്കുന്നു
ശ്രദ്ധിച്ചു വായിച്ചിട്ടും
പരിഭാഷ മനസിലായില്ല
മുന്നിലൂടെ കടന്നുപോയ
എല്ലാ മുഖവും ഭയപ്പെടുത്തി
പെണ്ണിനായി കാത്ത
വിശുദ്ധ പ്രണയം
ഹൃദയത്തില്‍ നിന്നിറങ്ങി
അടിവസ്ത്രമഴിച്ച്
ലിംഗത്തെ ഉണര്‍ത്തി
ഉദ്ധരിച്ച ലിംഗങ്ങള്‍
സ്വയംഭോഗം മതിയാവാതെ
തെരുവില്‍ അലയുന്നു
യോനിയുടെ ആഴം
അപ്പോഴും അജ്ഞാതം
ഓരോ വഴിത്തിരിവിലും കാത്തിരുന്നു
അയല്‍ക്കാരിയെ
കളിക്കൂട്ടുകാരിയെ
നാലാം ക്ലാസുകാരിയെ
അധ്യാപികയെ
ചേച്ചിയെ
മകളെ
യോനിയുടെ ആഴം അളന്നു നോക്കാന്‍
ഇരുളില്‍
കൂര്‍ത്ത പല്ലുകളും
കറുത്ത രോമങ്ങളുള്ള തോലുടുപ്പുമിട്ട
വിചിത്ര രൂപിയായ
ബസില്‍ നിന്നും
ഒരു നഗ്നശരീരം
തെരുവിലേക്കെറിയപ്പെട്ടു
മണ്ണില്‍ വീണ രക്തത്തുള്ളികളില്‍
ചവിട്ടി നിന്നു വായിച്ചപ്പോള്‍
പെണ്ണിന്റെ പരിഭാഷ മനസിലായി
രാത്രി വളരെ വൈകി
അമ്മ കിടക്ക വിരിച്ചു
മകള്‍ക്ക്,
ഉറങ്ങാനല്ല
ഉറക്കാതിരിക്കാന്‍
കൂടെ ഉപദേശവും
ഉറ ശരിയായി ഉപയോഗിക്കുന്നതിനെക്കുറിച്ച്
മനുഷ്യത്വം വറ്റി
വെറും ശരീരമായപ്പോള്‍
തന്റെ പ്രണയത്തിന്റെ വിശുദ്ധിക്കായി
ഒരാള്‍
ആ രാത്രിയില്‍
തന്റെ ലിംഗം ഛേദിച്ചു കളഞ്ഞു
19 comments:
ഛെദിക്കപ്പെടെണ്ട ലിംഗം ചുമക്കുന്നവന്റെ
ഭാരം അത്രയും വേദനിക്കപ്പെടെണ്ടതും
വെറുക്കപ്പെടെണ്ടതും തന്നെ..
ഇത്രയും മലീമസം ആയ ഒരു സമൂഹത്തില്‍
ജീവിക്കേണ്ടി വന്ന ഒരുവന്റെ ഗതികേട്,
യുദ്ധം ചെയ്തു മനസ്സാക്ഷിയെ പിടിച്ചു നിര്‍ത്തേണ്ടി
വരുന്ന നിസ്സഹായത ഇതില്‍ കൂടുതല്‍ എങ്ങനെ പ്രകടിപ്പിക്കാനാവും.
യുദ്ധം ജയിക്കാന്‍ ആവട്ടെ എന്ന് തന്നെ പ്രാര്‍ഥന...ഈ എഴുത്തിനു
നൂറു ആശംസകള്‍...ഇതല്ലേ നമുക്ക് പറ്റൂ..
വിശുദ്ധിയും മനുഷ്യത്വവും വീണ്ടെടുത്താല്‍ എല്ലാം കാക്കാം. അഭിനന്ദനങ്ങള്‍
മരവിച്ചു പോകുന്നു മനസ്സ് സ്നേഹാശംസകള്‍
സമാന വിഷയത്തില്‍ ഒരു ലേഖനം -
@ പിടിച്ചു കൊന്നാല്‍ എല്ലാം തീരുമോ
കണ്ണാണ് നിനക്ക് ഉതപ്പു നൽകുന്നതെങ്കിൽ അവ ചുഴന്നു കളയുക...എന്നല്ലെ വിശുദ്ധ വചനങ്ങൾ....പുണ്യവാളൻ പറഞ്ഞപോലെ പിടിച്ചു കൊന്ന് തീർക്കരുത്....
അനുഭവിക്കണം...അതിനു വേണ്ടത്...ഛേദിച്ചേക്കുക...വേരോടെ....
പഴുത്ത്...പുഴുത്ത്നാറി ചത്തു പോകട്ടെ പട്ടികൾ.
..............
കാല ചക്രങ്ങള്‍ എത്ര
കടന്നേ പോയ് , ഭാരതം
ഹീനമാം സംസ്കാരത്തിന്‍ -
ചുഴിയില്‍ പുതഞ്ഞു പോയ് .
എപ്പൊഴോ ദുര്‍ഭൂതങ്ങ-
ളി ത്തിരു മണ്ണിന്‍ മാറില്‍
ദുഷ്ടത തന്‍ വിത്തുകള്‍
കൃത്യമായ് വിതച്ചു പോയ്...!
അമ്മ,പെങ്ങന്മാര്‍ ,കുഞ്ഞു
മക്കളെന്നില്ല ഭേദം
കാമഭ്രാന്തന്മാര്‍ മണ്ണില്‍
പുളച്ചു മദിക്കുന്നു.
സൗമ്യ ,ശാരിമാര്‍ ,ജ്യോതി
പേരിലെന്തിരിക്കുന്നു ?!
ജീവിതം പൊലിഞ്ഞതാം
എത്രയോ പെണ്‍ ജന്മങ്ങള്‍......
....................
എന്റെ ബ്ലോഗിലെ പുതിയ പോസ്റ്റിൽ നിന്നും ഉള്ള വരികൾ... അണയാത്ത ജ്യോതി.
വായിക്കുമല്ലൊ.
നന്നായിട്ടുണ്ട്..
ഛേദനം അനിവാര്യം ചിലപ്പോള്‍
വിവേകികള്‍ മനസ്സിലെങ്കിലും ഛേദിക്കണം
മൂര്‍ച്ചയുള്ള വരികള്‍....കൊള്ളാം...
ഇരുളില്‍
കൂര്‍ത്ത പല്ലുകളും
കറുത്ത രോമങ്ങളുള്ള തോലുടുപ്പുമിട്ട
വിചിത്ര രൂപിയായ
ബസില്‍ നിന്നും
ഒരു നഗ്നശരീരം
തെരുവിലേക്കെറിയപ്പെട്ടു
പറഞ്ഞതിലപ്പുറം എന്ത് പറയാൻ
ആത്മ രോഷം വരികളിളുടെ മൂര്‍ച്ചകൂട്ടി.
ഈ കാലഘട്ടത്തില്‍ ജീവിക്കേണ്ടി വന്നത് നമ്മുടെ വിധി. അല്ലാതെന്തു പറയാന്‍...
വൈകൃതങ്ങളുടെ തുരുത്തുകളില്‍ യുവതയെ തള ക്കുന്ന തതലച്ചോറുകളും നമുക്ക് മുറിച്ചു കളയുക...
ഒരു യഥാര്‍ത്ഥ മനുഷ്യന്റെ നിസ്സഹായത അതി ശക്തമായി പ്രകടമാക്കിയ കവിത.. ആശംസകള്‍ മാത്രം..
മനുഷ്യന്‍ മനുഷ്യനാവുന്നത് ചുറ്റുപാടുകളോട് പ്രതികരിക്കേണ്ട രീതിയില്‍ പ്രതികരിക്കുമ്പോഴാണ്. നമ്മള്‍ ഇന്ത്യന്‍സിന് ഈ പ്രതികാര ശേഷി എന്നോ നശിച്ചിരിക്കുന്നു. ഇന്നിപ്പോള്‍ ചില ചിന്തകള്‍ മാത്രം പ്രതികരിക്കുന്നു. ചില ചിന്തകള്‍ മാത്രം..
ഉണരട്ടെ. ആളട്ടെ ഈ അഗ്നി മാനം മുട്ടെ ആളിക്കത്തട്ടെ..
കാലികപ്രസക്തിയുള്ള ഒരു വിഷയം ശക്തിയുക്തമായ വരികളില്‍ വായിച്ചു തുടങ്ങിയപ്പോള്‍ വളരെ സന്തോഷം തോന്നി.
പക്ഷെ,വിഭവസമൃദ്ധമായ ഒരു സദ്യക്കിടയില്‍ പച്ചമാസം വിളമ്പിയത് പോലെയായി ചില പദപ്രയോഗങ്ങള്‍ .
...............
Powerful words...congrats.
athyapoorvangale saamayavalkarikkarithu. oru satahamaanam perkku vattanu. chilappol laingikam aakaam. allenkil mattu palathum. vaikaarikamaayi charcha cheyyanda vishayam alla ithu. mattu palathu poleyum. we have to apply common sense. what you should have done in the situation? avide ninnu thudanganam charcha. allenkil verum paazhvaakkukal.
onnu kondum bheethippedenda sahacharyam ivide illa. marichu bodhavalkaranam annu vendathu. positive enrgy nalkukayaanu vendathu. sthree eppozhum ammayaanennu ormippikukayannu vendathu. ellavarkkum nalla manassundavattee...
നോട്ടം വഴിതെറ്റി
ഒളിഞ്ഞു നോട്ടമായി
ഇന്നു കണ്ട കുട്ടികള്‍
ഇന്നലെ കണ്ട കുട്ടികളല്ല
അവര്‍
ആണെന്നും പെണ്ണെന്നും പരിഭാഷപ്പെട്ടിരിക്കുന്നു
ശ്രദ്ധിച്ചു വായിച്ചിട്ടും
പരിഭാഷ മനസിലായില്ല
വരികളില്‍ പ്രതിഷേധത്തിന്റെ / വേദനയുടെ കനലുണ്ട്.
ധ്വന്യാത്മകമായി പറയേണ്ടിയിരുന്നത് പലതും പച്ചക്ക് പറഞ്ഞതിന്റെ അഭംഗിയും ഇല്ലായ്കയില്ല.
Post a Comment